زجل المغربي .محمد العايدي

"زجل مغربي"

مابين التراب و السحـــــــابْ
عيشت الدود والنســــــــــــرْ
شي ف النعمة بلا حْسَـــــابْ
وشي يحلب ف الصْخــــــــر

حالك يا ليتيم غْـــــــــــــلاَّبْ
حالي من محانك دْبْـــــــــــرْ
دمعي على دمعك صْبَّــــــابْ
قلبي فجراحك عْثْـــــــــــــــرْ

مالقيت لسقامك حجَــــــــابْ
مالقيت لجفونك شْفْـــــــــــرْ
مالقيت لك جهد من لمكْتَابْ
عليك بالله.. و الصبــــــــــر

المسكين ماعندو حبـــــــابْ
مكسور لجناح والظْهَــــــــرْ
الناس تمقتو بلا سْبَــــــــابْ
وزمان يامو نْفْـــــــــــــــــرْ
المسكين طريقو ضبَــــــابْ
رجلوتْخَطْوي على لْجْمْـــــرْ
المسكين ماعندو صحَــــابْ
يحكي ليهم ويهْضْــــــــــــرْ

خويا المسكين القلب طـابْ
صبرك ماراحشي هْــــــــذْرْ
الفقر عمرو كان يتْعــــــابْ
وَاصْلْ لْغنَى كَانْ فْقْــــــــــرْ

الدنيا مطويا كتـــــــــــــابْ
و نقش فصْفَاحْها لقْـــــــدْرْ
يا حفيد الطين والتــــــراب
تسكن لقصور وتْتْغَـــــــــرْ
تحضن بجناحك السحــــاب
تْحَلَّقْ فْسْمَاكْ تْتْكَبَّـــــــــــرْ
وتفوت يَّامْكْ سْـــــــــــرَابْ
يْرْشَاوْ جْنَاوْحْكْ تْخَــــــــرْ
حكايتك من تْرَابْ لْتْـــــرَابْ
باقي من سحابك شْبْــــــــرْ
دنيا لمحان و لْخْــــــــــرَابْ
الى جادت لازم تغْــــــــــــدْرْ

شكرا لك اخي العزيز محمد على هده الكلمات الجميلة ربي يخليك لينا

بصحتك ورحتك يا اختي الفضيلة والله الى راكي تستهلي كل الخير
انشاء الله ديما الجديد الى انجاح هد المنتديات الجميلة

» (لون شعبي )عـدي وهـا كلمات محمد العايدي
» حياتي إنتهت.....محمد العايدي
» كلمات الشاعر الغنائي محمد العايدي
» الى صديقي........... اهداء الى الاخ محمد العايدي
» نوضو يا لاعباد كلمات محمد العايدي