عْـــزَمْتْ السْفَـــــــــــر

رْبِـــيــعْ لْحْـــلاَمْ غِـــــي ضْـبـــَابْ
الْقـَـلـْبْ حْبِـيــــسْ الصْــــــــــــدَرْ
اللِّـيــــلْ مْدَلِّــــي نڭَــــــــــــــــابْ
وُ الدَّمْـــــعْ وْنِـيـــسْ الشْفَـــــــــرْ

فَــــاتْتْ لَـعــْوَامْ كِــي السْـــــرَابْ
جَـاحْتْ لُوْقَـــــــاتْ بْ لَعْمْـــــــرْ
صَاطْــتْ الــــرِّيحْ فْ لْـــقــرَابْ
كْـبــــَرْنَا وُ لْهَــــمْ فِينَا كْبــــــَــــرْ

لْعَيــــْبْ تْخَطَّــــى لْبَـــــــــــــــابْ
مْنْ شَــــقْ دْفُوفـْـنـــَا عْبَــــــــــــرْ
مَابْـقــَاتْ لْجُــــورْتـْنـَا حْسَــــــابْ
لَحْيــــَا مَا عَــــادْ لـُو قْـــــــــــــدَرْ

حْـكِـيــمْ شْوَارْنـــــَا شَـــــــــــــابْ
وُسِْفــيـــه يَّامْنــــــَا هْضَـــــــــــــرْ
كْـــــرِيمْ زْمَـــــانــَّا تْعَــــــــــــــابْ
وُالــــدُّودْ فْ عْظَامْنـــــــَا نْخَــــــرْ

لْجَــــــامْ لْـخَــيـْلْ رَاهْ سَـــــــــــابْ
كَـــــي ســـُوقْ نْخَاسْـنــَا عْمَــــــرْ
دَمْ عْـــــرُوقْــنَــــا شْهَــــــــــــــابْ
وُ فْـــقـــيهْ لْحُومَـــــة كْفَـــــــــــــرْ

حَكْمَــــــتْ يــــَا صَاحْ بْ لْـعـْذَابْ
وُ لْهُــــونْ عْـلِيـــنَـــــا قْـــــــــــــدَرْ
لاَ تـــْزِيدْ تْســـــَالْ عْ السْبَـــــــابْ
لاَ تْعِـيــــــدْ فْ حَالْـنَـــا النْظَــــــرْ

حْـــزَّاتْ الـــرُّوحْ عْ لْمْصَــــــابْ
وُ عْجَـنـْتْ لْخِــيرْ بْ الصْبـــَــــرْ
طْــوِيتْ لْـفـــَرْحْ عْ لْعْتــــــــــاَبْ
وُ عْـــزَمْتْ اللّيـلَــة السْفَـــــــــــرْ

زَادِي فْ الدّنْـيـــَا كْتَـــــــــــــابْ
وُ حْــرُوفْ معَنْـقَـــة السْطَــــــرْ
مـــنْ فَكْ وْثَـــاقْهَا خَـــــــــــــابْ
فِــــي وِيلْ هْـــوَالُـو عْثَـــــــــــرْ

طَامُــــوعْ لْفَانْـيـــَة خْــــــــرَابْ
وُ عْمَـــــــى لَعْقُولْ وُ لَْبْصَـــــرْ
مَا يْــمــْلاَ لْجُــوفْ غِي التْرَابْ
قَالـــُو آخِــــرْتْهَا شْبْـــــــــــــــرْ

مميز