ღ السلام عليكم ورحمة الله وبركاته ღ
ليجاست تع بنات اليوم تخلي الشبان يحطو علينا توجور اللوم
gووووول يا عمي ggوووول وخاطينا المنقول
:
تلعبها تحكي الفرونسي
وهي ماتعرف غير كلمة بونجور ومرسي
لاعبتها بنت الحطات
وهي تسكن فالباطيمات
تمشي البنت وتدونصي
وتقولهم أنا نشبه لبيونصي
مدايرة كيلو بودر وماكياج
وتقولهم انا شابة وبلوندا كي لاناج
تكذب وتقولهم نخدم فلاكازوراك
فنيانة ما تعرف والو غير تاكل الكوجاك
نهار كامل وهي مع الموبيل
تحكي مع صحباتها على حنونها مول الدار والطونوبيل
وشكون هذا الله وأعلم !!
واقيلا راهي غير تحلم
شكون هذا ألي راح يشوف ليها
وماعندها حتى صنعة بين يديها
حتى ألي خدعاتو بهدرتها
وصلت يماه لدارها وفضحتها
هدرت معاه فالتليفون
فتات اعليه وآمنها المغبون
سقساها عالزين قاتلو انجلينا جولي
وعلى اسمها قاتلو يقلشوني موني
سقساها على دارهم بالخف مدتلو لادراس
المخلوعة حابة تخدع ولد الناس
ابعث يماه تخطبها من والديها
وكي شافت عروستها بلقت عينيها
الطفلة تشبه لبراقودا
وفالدار يعيطولها مسعودة
تغمت وطلعتلها لا طونسيون والسكر
والشاب المسكين ادمر
كذبت اعليه الشيطانة
وخلاتو مسكين في حالة
كيفاش ادير المخلوقة باه تتزوج ....يا دراااه رح تكمل تطلق في هاذ الرهج.......
كيفاش ادير باه ما تقعدش بايرة..... المخلوعة راهي غير تخمم وحايرة.........
يتبع ،،
بقلمي